A Rosebud by My Early Walk

A rosebud, by my early walk
Adown a corn-inclosèd bawk,
Sae gently bent its thorny stalk,
All on a dewy morning.
Ere twice the shades o’ dawn are fled,
In a’ its crimson glory spread,
And drooping rich the dewy head,
It scents the early morning.

Within the bush her covert nest
A little linnet fondly prest,
The dew sat chilly on her breast
So early in the morning.
She soon shall see her tender brood
The pride, the pleasure o’ the wood,
Amang the fresh green leaves bedew’d,
Awauk the early morning.

So thou, dear bird, young Jeany fair,
On trembling string or vocal air,
Shalt sweetly pay the tender care
That tents thy early morning.
So thou, sweet Rose bud, young and gay,
Shalt beauteous blaze upon the day,
And bless the Parent’s evening ray
That watch’d thy early morning.