Janie Rothfield and Allan Carr - Birnie Bouzle/Bull at the Wagon

Birnie Bouzle Words Traditional/Tune Allan Carr

Gin ye'll mairry me, lassie, at the Kirk o'Birniebouzle
Till the day ye dee, lassie, ye shall ne'er repent it

Ye shall gang sae braw, lassie, tae the Kirk o' Birniebouzle
Little brogues an a', lassie, Wow bit ye'll be canty!
Yer wee bit tocher is but sma', bit hodden grey will wear for a'
Ah'll save ma siller tae mak ye braw
An ye shall ne'er repent it

Gin ye'll mairry me, lassie, at the Kirk o'Birniebouzle
Till the day ye dee, lassie, ye shall ne'er repent it
An ye shall wear when ye are wed, a kirtle and a Heilan plaid
An sleep upon a heather bed, sae couthy an sae canty

Gin ye'll mairry me, lassie, at the Kirk o'Birniebouzle
Till the day ye dee, lassie, ye shall ne'er repent it

Ah'll hunt the otter and the brock, the hart, the hare an heather cock
Ah'll pu' ye limpets fae the rock, tae mak ye dishes dainty
Gin ye'll mairry me, lassie, at the Kirk o'Birniebouzle
Till the day ye dee, lassie, ye shall ne'er repent it

An we'll hae bonny bairns an a', some lassies fair an laddies braw
Jist like their mither een an a'
And yer faither he's consented!
Gin ye'll mairry me, lassie, at the Kirk o'Birniebouzle
Till the day ye dee, lassie, ye shall ne'er repent it