Bonie Lesley

O Saw Ye Bonie Lesley

O Saw Ye bonie Lesley

Verse 1
O saw ye bonie Lesley,
As she gae’d o'er the Border?
She's gane, like Alexander,
To spread her conquests farther.

To see her is to love her
And love but her for ever;
For Nature made her what she is,
And never made anither!

Chorus
O saw ye bonie Lesley,
As she gae’d o'er the Border?
She's gane, like Alexander,
To spread her conquests farther.

O saw ye bonie Lesley,
And love but her for ever;
For Nature made her what she is,
And never made anither!

Verse 2
Thou art a queen, fair Lesley,
Thy subjects, we before thee;
Thou art divine, fair Lesley,
The hearts o' men adore thee.

The deil he could na scaith thee,
Or aught that wad belang thee;
He'd look into thy bonie face,
And say-"I canna wrang thee!"

Chorus

Verse 3
The Powers aboon will tent thee,
Misfortune sha'na steer thee;
Thou'rt like themselves sae lovely,
That ill they'll ne'er let near thee.

Return again, fair Lesley,
Return to Caledonie!
That we may brag we hae a lass
There's nane again sae bonie.

Chorus